Mediu: Kuvendi të votojë që sot për imunitetin tim

Tiranë- Ish ministri i Mbrojtjes, Fatmir Mediu ka marrë dje fjalën në Kuvend teksa debatohej në lidhje me heqjen e imunitetit të tij.

Tiranë- Ish ministri i Mbrojtjes, Fatmir Mediu ka marrë dje fjalën në Kuvend teksa debatohej në lidhje me heqjen e imunitetit të tij. Ai i kërkoi kryetares së Kuvendit që të votohej që dje për heqjen e imunitetit të tij, si deputet i Partisë Republikane për t'i hapur rrugë hetimeve të prokurorisë, pretendimet e të cilës, ai i quan të pabaza dhe tendencioze. "Unë jam gati ta dorëzoj që sot imunitetin dhe kërkoj që të votohet që sot heqje e imunitetit tim", u shpreh Mediu. Ish ministri theksoi se ai nuk ka patur kurrë lidhje me Delijorgjin, ndersa u shpreh se disa kolege te tij ndodhen ne pozita krejt të tjera me këtë emër. Ndërkohë deputeti Ngjela deklaroi se maxhoranca nuk voton për heqjen e imunitetit të Mediut, pasi i frikësohet skandaleve. Pas kësaj Topalli është munduar të justifikohet duke thënë se brenda një kohe te shkurtër të zhvillohet seanca e shumëkërkuar, por duke vazhduar me idenë se pasi te realizohet ky vullnet, deputetet duhet te nisin të punojnë për ligjin për imunitetet.