Dentistët "klandestinë" vijojnë lulëzimin

Tiranë- Ministria e Shëndetësisë, nisur nga kontrollet e ushtruara në subjektet e shërbimit dentar, ka pranuar se në vendin tonë ka laborantë të huaj, të

Tiranë- Ministria e Shëndetësisë, nisur nga kontrollet e ushtruara në subjektet e shërbimit dentar, ka pranuar se në vendin tonë ka laborantë të huaj, të cilët e ushtrojnë aktivitetin e tyre pa pasur licencë. "Tek ne është një numër i madh laborantësh të huaj që vijnë për të punuar në Shqipëri dhe nuk janë të pajisur me dokumentacionin përkatës", kanë konfirmoi specialistë të Shëndetit Dentar në Ministrinë e Shëndetësisë, duke theksuar se për këto subjekte duhet të merren masa drastike deri në mbylljen e aktivitetit të tyre pasi ushtrimi i këtij profesioni në mënyrë klandestine sa vjen e po bëhet më shqetësues. Në fakt Ministria e Shëndetësisë e ka dhënë me kohë alarmin se në morinë e aktiviteteve private të klinikave dentare në vendin tonë, rezultojnë edhe subjekte të palicensuara të cilat nuk dihet se prej sa kohësh kontribuojnë në lulëzimin e këtij biznesi mjaft fitimprurës. E megjithatë sipas këtyre burimeve inspektoriati përkatës është ende në fazën e verifikimit të këtyre subjekteve, pas të cilave pritet të marren masa te ashpra nëse nuk plotësojnë kriteret e vendosura nga Ministria e Shëndetësisë dhe ato që parashikohen në rregulloren e shëndetit oral. Sipas kësaj ministrie problem real përbëjnë vetëm laborantët e huaj që vijnë për të punuar në Shqipëri dhe nuk janë të pajisur me dokumentacionin përkatës, subjekte ndaj të cilave do të ndërmerren masa drastike deri në mbylljen e aktivitetit të tyre. Kontrollet e inspektoratit të Ministrisë së Shëndetësisë kanë evidentuar me kohë se përgjithësisht ushtrimi i profesionit të laborantëve dentarë të palicencuar kryhet nga specialistë që vijnë nga vende të ndryshme, të cilëve nuk do t`u lejohet më ushtrimi i këtij profesioni në mënyrë klandestine. E megjithatë penalizimet e vetme ndaj subjekteve të tilla janë po ato të kryera në qytetin e Burrelit dhe të Tiranës, ndërkohë që akoma më problematike për shërbimin dentar konsiderohet edhe qyteti i Tiranës, Durrësit, Lezhës etj. Në vendin tonë ka vetëm 36 subjekte të huaja të licencuara, ndërsa në Shqipëri ushtrojnë aktivitet mbi 725 klinika dentare private, 410 prej të cilave gjenden në Tiranë.