Investimet e huaja në arsim, realizimi vetëm 1.3%

Tiranë - Qeveria nuk po arrin të realizojë investimet publike aty ku ato janë më të domosdoshme. Të dhënat zyrtare tregojnë se nivelet

Tiranë - Qeveria nuk po arrin të realizojë investimet publike aty ku ato janë më të domosdoshme. Të dhënat zyrtare tregojnë se nivelet më të ulëta të investimeve janë në sektorët prioritarë të ekonomisë, si infrastruktura, arsimi, shëndetësia, por edhe turizmi.

Por shifra e realizimit të investimeve është edhe më e ulët në arsim. Ministria e drejtuar nga Pollo ka arritur të realizojë vetëm 6.6 për qind të investimeve me fonde të brendshme dhe vetëm 1.3 për qind të projekteve me fonde të huaja. Ky sektor konsiderohet si një nga më të rëndësishmit për rritjen ekonomike në afatgjatë të vendit. Ndaj jo më kot Banka Botërore, por edhe Fondi Monetar Ndërkombëtar, i kanë kërkuar qeverisë shqiptare të rrisë mbështetjen financiare për arsimin. Gjatë këtij viti Ministria e Arsimit përfiton nga buxheti i shtetit 37.2 miliardë lekë, duke u renditur institucioni i dytë për nga madhësia e fondeve.